رۆژی چوارشەمە بەرواری 23-10-2019 بە ئامادەبوونی پڕۆفیسۆر دکتۆر سلاح رەزا سەرۆکی زانکۆی چەرموو و سەرۆکی زانکۆی تیشکی نێودەوڵەتی ویاریده‌ده‌ری سه‌رۆكی زانكۆ بۆ كاروباری كارگێری و راگری كۆلێژی كارگێری گشتی و به‌رێوه‌بردنی سامانی سروشتی و راگری كۆلێژی په‌روه‌رده‌ و زمان   و راگری سه‌نته‌ری توێژینه‌وه‌ی زانكۆ لە  مەراسیمێکدا  بڕوانامەیان بەخشییە بەشداربوانی  خولێکی یەک مانگی 

خولەکە زنجیرە وۆرکشۆپی کۆلێژی کارگێڕی گشتی بوو بەناونیشانی ‌ (الاقتصاد القیاسی - Econometrics)  له‌لایه‌ن   (د. یونس علی احمد) پرۆفیسۆری یاریده‌ده‌ر له‌ كۆلێژی كارگێری و ئابووری – زانكۆی سلێمانی  وترایەوە بۆ ماوه‌ی چوار رۆژ  هەرهه‌فته‌ی رۆژێك كه‌ تیایدا له‌ رێگه‌ی سۆفت وێری (E-views 9) به‌ شێوه‌یه‌كی پراكتیكی كاری له‌سه‌ر ده‌كرێت.

‎ئامانجی سه‌ره‌كی وۆركشۆپه‌كه‌ بریتیه‌ له‌ كاركردنی پراكتیكی و لێكۆلینه‌وه‌ له‌سه‌ر دوو شێواز له‌ داتا و زانیاری كه‌ بریتین له‌ (time series) و (panel data) كه‌ به‌ دوو شێوازی زۆر سه‌ره‌كی داتا داده‌نرێن كه‌ له‌ بواری لێكۆلینه‌وه‌ی زانستیدا كاری له‌سه‌ر دەکرا.

‎ هه‌روه‌ها به‌شداربوان له‌ماوه‌ی وۆرك شۆپه‌كه‌دا به‌ شێوه‌ی پراكتیكی هه‌ڵده‌ستان به‌ لێكۆلینه‌وه‌ی داتا و زانیاری و پێشكه‌شكردن و گه‌نگه‌شه‌كردنی تا بتوانرێت به‌ شێوه‌یه‌كی دروست ئامانجه‌كانی بپێكێت.